Напярэдадні святкавання Дня Кастрычніцкай рэвалюцыі ў Вялікай Бераставіцы 6 лістапада адбылося адкрыццё мемарыяльных пліт на брацкай магіле савецкім воінам па вул. Партызанскай. На іх золатам нанесены ўстаноўленыя ў выніку пошукавай работы прозвішчы салдат, якія загінулі пры вызваленні раёна.
Ва ўрачыстым мітынгу прынялі ўдзел работнікі Бераставіцкага РУП ЖКГ. Прысутныя ўшанавалі памяць загінуўшых за нашае мірнае жыццё воінаў хвілінай маўчання і залпам гармат.
Дзякуючы сумеснай дзейнасці аддзела ідэалагічнай работы і па справах моладзі Бераставіцкага райвыканкама, клуба «Пошук» Вялікабераставіцкай СШ імя С. А. Прытыцкага, актыву народнага музея «Вытокі» Малабераставіцкай СШ, Музея Белкі ў Вялікай Бераставіцы па правядзенні архіўна-даследчай работы ў перыяд з 2010 года па цяперашні час устаноўлены імёны 68 байцоў для далейшага ўнясення іх у спісы воінскіх пахаванняў і ўвекавечання подзвігу на мемарыяльных плітах. На ўрачыстым мітынгу ля брацкай магілы па вул. Партызанскай былі адчыненыя мемарыяльныя пліты з нанесенымі імёнамі 18-ці з іх.
Мітынг завяршыўся ўскладаннем жывых кветак да мемарыяла.