У Бераставіцкім раёнам унітарным прадпрыемстве жыллёва-камунальнай гаспадаркі тэхнічныя інспектары галіновых прафсаюзаў правялі маніторынг аховы працы.
Прафсаюзамі рэалізуецца комплекс мер па ажыццяўленню грамадскага кантролю за выкананнем заканадаўства аб ахове працы, накіраванага на прафілактыку вытворчага траўматызму, а таксама паляпшэнню ўмоў працы працуючых. Штогадовы маніторынг аховы працы рэйдавай групы тэхнічнай інспекцыі працы Федэрацыі прафсаюзаў Беларусі праводзіцца з мэтай удасканалення гэтай работы. У сераду, 26 кастрычніка, тэхнічныя інспектары працы абласных арганізацый галіновых прафсаюзаў вывучылі сітуацыю на дванаццаці прадпрыемствах і ўстановах раёна.
Тэхнічныя інспектары працы праверылі выкананне тэхнікі бяспекі на аб’ектах, захаванне санітарна-бытавых умоў працы, стан працоўных месцаў, забеспячэнне неабходнымі інвентаром, спецвопраткай і сродкамі індывідуальнай абароны, утрыманне тэхнікі і падтрыманне парадку ў мехмайстэрнях і ў складскіх памяшканнях, працу кацельняў у ацяпляльны перыяд, вывучылі дакументацыю па гэтым пытанні.
Усе недахопы, выяўленыя тэхінспектарамі, будуць разгледжаны на пасяджэнні камісіі па прафілактыцы вытворчага траўматызму і прафесійных захворванняў пры райвыканкаме.
Па матэрыялам http://www.beresta.by
