Работнікі Бераставіцкага раённага ўнітарнага прадпрыемства жыллёва-камунальнай гаспадаркі 30 лістапада наведалі вечарыну памяці “Забыццю не падлягае”, прысвечаны ахвярам генацыду беларускага народа ў гады Вялікай Айчыннай вайны, які прайшоў у Бераставіцкім раённым Цэнтры культуры і народнай творчасці.
Тэма генацыду беларускага народа, як і народаў усяго былога Савецкага Cаюза, вельмі важная ў сучасных геапалітычных рэаліях. Беларусы, як ніхто іншы сярод краін постсавецкай прасторы, адчулі на сабе ўсе жахі вайны, знішчэнне сёл і вёсак, мірнага насельніцтва. Сёння трэба ведаць гісторыю не толькі па падручніках. Важна бачыць і аналізаваць факты: факты злачынстваў і ўрону, нанесенага нашай краіне.
Пра гэта расказаў пракурор Бераставіцкага раёна Вадзім Валер’евіч Кажэцкі, прадставіўшы аўдыторыі відэапрэзентацыю, распрацаваную Генеральнай пракуратурай Рэспублікі Беларусь. Вадзім Валер’евіч пазнаёміў з ходам расследавання крымінальнай справы аб генацыдзе беларускага народа і тымі злачынствамі, якія ўчынілі акупанты на тэрыторыі нашай краіны, – зверствамі фашысцкага акупацыйнага рэжыму, знішчэннем мірнага насельніцтва ў лагерах смерці, спаленымі вёскамі. Акцэнт быў зроблены і на працы па захаванні і ўшанаванні гістарычнай памяці.
На працягу ўсяго мерапрыемства гучалі вершы, песні ваеннай тэматыкі ў выкананні работнікаў культуры. Бераставіцкай раённай бібліятэкай і музеем Вавёркі ў фае была арганізавана экспазіцыя, прысвечаная тэме генацыду беларускага народа.
