27 мая на базе дзіцячага аздараўленчага лагера “Бераставіцкі” прайшлі спаборніцтвы санітарных і добраахвотных пажарных дружын раёна. Удзел у іх узялі 9 санітарных і 9 пажарных дружын раёна, у тым ліку і Бераставіцкага РУП ЖКГ.
Санітарным дружынам неабходна было прайсці пяць этапаў, якія ўключалі ў сябе тэсціраванне камандзіраў санітарных дружын, праверку табельнага абсталявання, работу санітарнай дружыны ў ачагу камбінаванага паражэння, у ачагу хімічнага паражэння і ў ачагу інфекцыйнага захворвання.
Пажарныя дружыны, у сваю чаргу, праходзілі пажарную эстафету і баявое разгортванне ад мотапомпы.
Наша арганізацыя была прызнана лепшай па аснашчанасці санітарнай дружыны і па ўменню сандружынніц карыстацца табельнай маёмасцю.
Таксама найлепшым камандзірам санітарнай дружыны па выніках усіх выпрабаванняў стала наша супрацоўніца Алена Мікалаеўна Максімюк, камандзір санітарнай дружыны.
Па выніках усіх этапаў перамогу ў раённых спаборніцтвах атрымала санітарная дружына нашага прадпрыемства.
Ад імя калектыва і кіраўніцтва прадпрыемства віншуем нашу каманду з поспехам.
