Штогод па ініцыятыве Міжнароднага саюза па барацьбе з ракам
у трэці чацвер лістапада праводзіцца Дзень некурэння.
Рэспубліканская антытытунёвая інфармацыйна-адукацыйная акцыя, прымеркаваная да гэтага дня, праходзіць у нашай краіне
з 17 па 24 лістапада 2022 года
Мэта правядзення акцыі – павышэнне ўзроўню інфармаванасці насельніцтва адносна пагубных наступстваў для здароўя спажывання тытуню і ўздзеяння тытунёвага дыму, фарміраванне ў грамадзянскай супольнасці падтрымкі мер, накіраваных на барацьбу са спажываннем тытуню ў адпаведнасці з палажэннямі Рамачнай канвенцыі СААЗ па барацьбе супраць тытуню.
Тытунёвы дым выклікае і абвастрае шматлікія хваробы, дзейнічаючы практычна на ўсе органы. А прадукты тытунёвага паходжання разам з іншымі канцэрагеннымі рэчывамі – галоўная прычына узнікнення анкалагічных захворванняў. Курэнне правакуе развіццё 18 формаў рака ў чалавека: рак лёгкага, стрававода, гартані і паражніны рота, мачавого пузыра, падстраўнікавай залозы, ныркі, страўніка, малочнай залозы, шыйкі маткі і інш. Акрамя высокай рызыкі ўзнікнення розных формаў злаякасных новаўтварэнняў, працяг палення негатыўна адбіваецца на правядзенні спецыяльнага лячэння пры ўзнікненні гэтых захворванняў. Устаноўлена, што ў пацыентаў, якія паляць, у параўнанні з непалячымі, скарачаецца працягласць жыцця, узрастае рызыка рэцыдыву або ўзнікнення другой пухліны, зніжаецца эфектыўнасць лячэння, якасць жыцця. Спыненне курэння гарантуе зніжэнне захворвання.
Не існуе бяспечнай цыгарэты і бяспечнага ўзроўню курэння. Адзіным найбольш эфектыўным спосабам зніжэння небяспекі для здароўя застаецца спыненне курэння.
Адмова ад курэння ў любым узросце апраўдана, паколькі:
праз 8 гадзін узровень кіслароду ў крыві вяртаецца да нормы;
праз 48 гадзін чалавек набывае нюх і смак;
праз 1 месяц становіцца лягчэй дыхаць, знікаюць стома, галаўны боль;
праз 6 месяцаў праходзяць бранхіты, адноўляецца сардэчны рытм;
праз 1 год удвая памяншаецца магчымасць памерці ад ішэмічнай хваробы сэрца.
Па матэрыялах Дзяржаўнай установы «Рэспубліканскі цэнтр гігіены, эпідэміялогіі і грамадскага здароўя»
